ཨ་རིའི་རླུང་འཕྲིན་ཁང་གི་ཀུན་གླེང་གསར་འགྱུར་ནང་ཤྲཱི་ལངྐས་སངས་རྒྱས་ཀྱི་རིང་བསྲེལ་༸གོང་ས་མཆོག་ལ་འབུལ་ལམ་ཞུས་པ་དང་། ཞྭ་ལུ་དགོན་པས་སྐུའི་ཚེ་སྒྲུབ་གནང་བ། བྷ་ཌན་དང་ནེ་ཐན་ཡ་ཧུ་གཉིས་ཀྱི་བཀའ་མོལ། ཨ་རིའི་གོ་མཚོན་གྱི་རོགས་སྐྱོར། ནུབ་ཆིངས་སྒྲིག་འཛུགས་ཚུགས་ནས་ལོ་༧༥ འཁོར་བའི་ཚོགས་ཆེན། ཐེ་ཝན་ས་ཡོམ་གྱི་སྐྱོབ་གསོ་སོགས་ཡོད། དེ་རིང་གི་དྲ་སྣང་གི་བོད་དུ་རིག་ནུས་སམ་བཅོས་རིག་བཀོལ་ནས་བོད་དབྱིན་ཡིག་སྒྱུར་གྱི་བྱེད་ནུས་གཤིབ་བསྡུར་དང་། ལུག་ཚང་དཔལ་ཡོན་སྒོ་རྒྱག་ཏུ་བཅུག་པ། བཙན་བྱོལ་བོད་མི་སྐད་གྲགས་ཅན་ཚོའི་འགན་འཁྲི་བཅས་ཡོད ཀུན་གླེང་ལས་རིམ་དུ་རྡོ་རྗེ་ཚེ་བརྟན་ལགས་ཀྱིས་རྒྱ་གར་གཞུང་གིས་བོད་ཡིག་གམ། བྷོ་ཊའི་སྐད་ཡིག་རྩ་ཁྲིམས་དོན་ཚན་དྲུག་པའི་འབྲུ་དོན་ལྟར་གཞུང་འབྲེལ་སྐད་ཡིག་ཁོངས་སུ་ངོས་འཛིན་ཐོབ་ན་དགེ་མཚན་ཅི་ཡོད་སོགས་ལ་མངའ་རིས་ནང་ཆོས་རིགས་ལམ་སློབ་གཉེར་ཁང་གི་འགན་འཛིན་དགེ་བཤེས་ཚེ་དབང་རྡོ་རྗེ་གདན་འདྲེན་ཞུས་ནས་བགྲོ་གླེང་ཞུ་རྒྱུ་ཡིན།།