ལྷ་ས་གྲོང་ཁྱེར་ཉེན་རྟོག་ཁང་ཉེས་དོན་ཚན་རིག་ལག་རྩལ་གསལ་འབྱེད་ཡིག་ཆ་ཞེས་ནང་ཁུལ་གྱི་གསང་བའི་ཡིག་ཆ་ཞིག་ལ་འཁོད་པ་ལྟར་ན། ༢༠༠༨་ལོའི་བོད་ནང་གི་ཞི་རྒོལ་སྐབས་སུ་རྒྱ་ནག་གཞུང་གིས་ལྷ་སར་བོད་པ་མང་པོ་དམར་གསོད་བྱས་ཡོད་ཅིང་། རྒྱ་ནག་གི་དཔོན་ཚོར་ནང་ཁུལ་དུ་བཀྲམ་པའི་ཡིག་ཆ་དེ་རྒྱ་གར་དྷ་རམ་ས་ལའི་བོད་ཀྱི་འགྲོ་བ་མིའི་ཐོབ་ཐང་དང་མང་གཙོ་འཕེལ་རྒྱས་ལྟེ་གནས་ཁང་ལ་རེག་ཡོད་པ་མ་ཟད། ཕྱི་ཟླ་༨་ཚེས་༢༡་ཉིན་བཞུགས་སྒར་དྷ་རམ་ས་ལར་ཡིག་ཆ་དེ་ཡོངས་གྲགས་སུ་ཕྱིར་བསྒྲགས་བྱས་ཡོད་པའི་སྐོར། ང་ཚོའི་གསར་འགྱུར་མཁོ་གཏོང་བ་བསྟན་འཛིན་བཟང་མོ་ལགས་ཀྱིས་བཏང་བའི་གནས་ཚུལ་ཞིག་གསན་རོགས་གནང་།།
