བྷར་མའམ་ མ་ཡན་མར་ཡུལ་གྱི་བུད་མེད་འགའ་ཞིག་རྒྱ་ནག་གི་གྲོང་གསེབ་ཁག་གི་སྐྱེས་པ་ཚོར་ཚོང་བསྒྱུར་བྱེད་མཁན་རུ་ཚོགས་ཤིག་རྒྱ་ནག་གཞུང་གི་བདེ་འཇགས་ཉེན་རྟོག་པ་ཚོས་འཛིན་བཟུང་བྱས་ཡོད་ལུགས་རྒྱ་ནག་གཞུང་གཉེར་ཤིན་ཧ་གསར་སྤེལ་ལས་ཁང་གིས་གནས་ཚུལ་སྤེལ་ཡོད་པ་དང་ ཚོང་བསྒྱུར་བྱས་པའི་བུད་མེད་དེ་དག་གི་ཁོངས་སུ་བྷར་མ་ནས་ཡིན་པའི་བུ་མོ་ལོ་ཆུང་ལྔ་ཡོད་པ་དེ་དག་རང་ཡུལ་བྷར་མ་ལ་ཕྱིར་ལོག་བྱས་ཡོད་པའི་འགྲེལ་བརྗོད་བྱས་ཡོད་ཅིང་ མི་བསླུ་བཙོང་དང་ ནག་ཚོང་རྒྱག་མཁན་ཁྲིམས་འགལ་མི་ངན་རུ་ཚོགས་ཀྱིས་བུ་མོ་དེ་དག་ལ་ལས་ཀ་སྤྲོད་རྒྱུ་དང་ དགུང་གསེང་ལ་འཁྲིད་རྒྱུ་བཅས་ཀྱི་སྐད་ཆ་སྙན་པོ་བཤད་པའི་བརྒྱུད་ནས་བསླུ་ཚོང་བྱས་ཏེ་མཐར་རྒྱ་ནག་གི་གྲོང་གསེབ་ཁག་གི་སྐྱེས་པ་མནའ་མ་འཚོལ་མཁན་ཚོར་བུད་མེད་རེ་རེར་དབྱིན་ཇིའི་པ་འུན་ཊོ་( Pound) ༥༢༠༠བྱས་ཏེ་འཚོང་གི་ཡོད་པ་རེད།
